Rajah pamunah

 

Asa ku waas ulin ka imah dulur aya kacapi, deuk nyalahkeun saha yen kuring naha jadi urang Sunda… da euweuh nu menta atuh. Puguh we bari jeung teu bisa oge ramo terus garetek hayang nyintreukan eta kacapi. Waas ku kalakuan heubeul di lembur… diajar ngacapi dipirig ku suling pelog bari mantun ngarajah… teu salahmah kieu yeuh ngarajahna… he.. he..

Bul kukus aing ka manggung
Gumulung jadi tujuh kuwung-kuwung
Amit widi ti kiwari ka nu nganjang ka blog abdi
Seja rumpaka carita mawa beja ti diri nu sakiwari
Teu ngajak pasini pangarti… bersih jalan sasapuan
Wana wani wawuh teu wana teu wani teu wawuh
Palias lain ngahaja… awaking nyangking pangarti
Balunggung agung rahayu nu nganjang nanjung pangarti…
Balunggung agung rahayu nu nganjang manjing walagri

Bray caang bray narawangan… wangi diri sanubari
Gorejat sare kang ringkang rancage hate awaking
Lumpatkeun jalan laratan ka tampian geusan mandi
Kaleuwi sifat tahunan ka leuwi nu maruncang diri diri anu sakiwari
Rek muru lurulung tujuh ngaliwat ka pajajaran
Bongan hayang pulang anting
Padungdengan padungdengan…
Jeung usikna pangancikan…

Huuung… ahung…
Turun ti gunung gumuru kahujanan ku malati
Nyamoyan di pamoyanan
Papanggih jeung urang dami
Anu keur mener ngarajah hadeup kadayeuh kawangi
Ka luhur ka sang rumuhun
Ka sang batara ka sang batari
Sang batara susuk tunggal
Nu babak-babak di kahiangan
Bul kukus aing ka manggung
Ka handap ka kadatuan…

Huuung… ahung…
Guru iman guru putih iman putih lalakina
Nuhun di ijabna bubuana
Dipareng ku rarangtapa hanceuk cihaliwung
Cihaliwung nyakiduleun cisadane
Nyakaler belah cipakancilan nunjah ka salengpakujanohong
Kasalehgohgowong kamuara tongjawa
Miguru ka ujung guru
Ujung guru para bukit
Para bukit di garwangi mandala sura dipati
Arindit aringah kasangiang padungkukan
Pakuan pakudiranca cag poe ieu peuting ieu…

Geus ah cape… tunduh geus peuting, deuk sare heula… isukan disambung deui caritana…

Iklan

10 Tanggapan

  1. huuuuuh beurat…..:(

  2. Upami resep kacapi mah mangga kang diantos di rorompok, simkuring sareng pun raka unggal dinten jumaah malem sabtu sok kacapian. Diantos…..

  3. Tuh geuning… da ceuk kuring oge naon, resep pan ngacapi suling teh, nya ke kang pami aya waktos urang mampir lah pakaulan, nanjeurkeun budaya urang

  4. Assalamualaikum wr.wb

    Tepangkeun name abdi Antick (tidituna mah ceunah saur pun bapa diseratnya cantiek puguh ejaan baheula, ngan petugas kalurahan lepat macana, sabab bapa nyeratnya nganggo huruf sambung, huruf c-na nguriwel teuing disangkina hiasan, ari huruf e disangkina huruf c nya kitu dugi ka ayeuna naminya jadi antick.. tapi atos ah tong papanjangan)
    Abdi asli urang Garut lahir di jayaraga, damel di Jakarta, dumuk di Serpong.
    Bade nyungkeun tulung, sugan terang dimana abdi tiasa diajar kasenian sunda di Jakarta (kacapi/suling/angklung)?
    Puguh waditrana ge teu acan gaduh, saurna tiasa digaleuh di Bandung nanging teteurang dimana-manana? Manawi terang?
    Alhamdulillah abdi kapeto ti kantor angkat ka ostrali kanggo diajar, nanging alim polos, hoyong ngenalkeun kabudayaan sunda.
    Diantos pisan balesana

  5. Meni kabita ku neng antick mah, keur mah cantik (jujur! pisan malahan), pinter (Alhamdulillah bade ka ostrali saurna?), oge teu hilap kana budaya sunda. Salut! Saha terang urang ke pendak di ostrali, nya..

  6. sampurasun! heug atuh tuluykeun rajah pamunah na nepi ka tamat, htr nhn

  7. saya cari rajah pamunah yg pembuaan katanya : aing raja pamunah dst

  8. tuh ari urang sunda mah mani apal ngarajah.ngarajah kanggo naon kang

  9. Punten kang bade tumaros,pami milari musik cianjuran disitus naonnya???

    diantos infona,hatur nuhun sateuacanna….
    Salam pangwanoh ti sim kuring,Rakha ti Pangandaran!!

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: