Di hiji lembur katelah Lembur Singkur, Kel. Legokhangseur, Kab. Oncomgondrong, tutugan Gunungkembar asup kana Wewengkon Binareupgeboy. Kacaritakeun Si Kabayan keur guntreng jeung pamajikannana nyaeta taya lian Nyi Iteung. Puguh we nu ngarana Si Kabayan teh geus kawentar jalma pang ngedulna, embung eleh ku batur, tapi motekar dina akal, komo dina widang ngarayu tur tipu muslihat mah wuuih pang jagona we pokonamah.

Geus kudu kituna we sakumna manusa geus boga jodona masing-masing, kitu oge Si Kabayan, sanajan hirup kalimpudan ku karipuh, isuk dahar sore teu, sore dahar isuk puasa, teu ngurangan rasa kacinta Nyi Iteung ka manehna. Geus lumrah we dina hiji keluarga cekcok jeung guntreng mah, nu pentingmah hate duaan tetep ngahiji, silih hargaan, bisa ngajaga kapercayaan tong coba-coba nyaliwang kanu lian matak bahaya kitu ceuk Si Kabayan teh.

Kitu oge kajadian hiji poe wanci pecat sawed, panonpoe harita the geus mulai naek, Nyi Iteung keur ngageuingkeun Si Kabayan nu sare wae na palupuh hareupeun imahna

“Nyeuh Kang geura hudang, lain kalah sare wae atuh hirup teh, era tuh ku hayam geus ngencar, manuk nu recet tuh embe ngaberele menta parab !”

Laah manehmah Iteung ngaganggu wae atuh, embung we ningali salaki keur senang teh ! tempas Si Kabayan bari tipupuncereng panonna. Lain kitu Akang, tuh sangu euweuh baturna, maenya dahar ukur sangu hungkul, angurmah nyiar rejeki kaditu, lain pangedulan wae tiap poe teh

“Ah.. kari maneh atuh Iteung gantian sakali-kali mah, carape barina oge dewek rek neruskeun deui kasenangan hirup yeuh .” goloyoh Si Kabayan neruskeun sarena.

“Akaaang ! Kumaha ari akang pan geus kawajiban akang atuh etamah neangan rejeki pikeun keluarga mah !Si Iteung jadi ambek ningali salakina kalah terus sare deui.

Kulantaran rudet di kutupluk wae nya antuknamah bari jamedud oge Si Kabayan miang nyiar rejeki, mangkatna teh bari mawa useup jeung ember, nuju walungan lebakkeun imah maksudna bari nguseup meh bias bari nundutan …

“Dasar pamajikan teu boga pangertian puguh salaki keur tanggung ngimpi senang, hayoo geura kalah ngaganggu pikasebeleun !” Si kabayan ngingkig bari kukulutus. Sadatangna ka walungan terus we Si Kabayan nguseup, awak nyandar kana tangkal nangka, aya ku tegep. Asa ku geus lila useup euweuh nu nyangkut ku lauk, Si Kabayan gura giru tuturubun anclub kana walungan.

“Lah Iteung poe ieu mah teu beubeunangan akang teh uy, lauk sarieuneun geuning, useup akang teu ditoel-toel acan. urang ngala tutut we lah, lumayan dari pada teu teuing babawaan ka imah mah ” galecok hate Si Kabayan bari ngala tutut pinggir walungan di asupkeun kana ember, lengkahna beuki jauh muru ka hulu cai.

Euleuh bener wae uy, geuning loba yeuh tutut teh ” Ceuk Si kabayan bari nyingklilkeun sarung butut bisi kabaseuhan.

Alatan ku anteng pas di hulu cai manehna teu sadar aya hiji mahluk nu keur ngawaskeun ti tatadi, ieu mahluk sering disebut ku jalma lebur mah Aden-aden, awakna bungkuk, irung sumpung, beungeut pikasieuneun, kaasup kana jenis mahluk lelembutan (makluk kajajaden). Manehna ngarasa aneh, panon mencrong kana hiji benda nu ngagurilap herang katojo ku cahaya panon poe beh palangkakan Si Kabayan nu buligir teu katurub ku sarungna. Ragamang eta Aden-aden ngaragamang ngaragap eta benda milik Si Kabayan, saking ku panasaran antukna eta mahluk nanya bari sorana rada ngirung wantu teu boga irung..

“Iyeu naon heyang-heyang ?” Aden-aden nanya bari terus ngeukeuweuk harta hiji-hijina boga Si Kabayan. Gebeg Si Kabayan karek sadar aya nu ngaragap kana Endog Si Jalu halah ieung geuning aya Aden-aden ! Walaaah ana kieu mah kudu diakalan yeuh ngarah bisa kabur nyalametkeun maneh.

Punteeen Juragan Aden .eta teh buah pangirut, ingkeun atuuh da can asak ?”

“Iraha asyakna ?” Aden-aden malik nanya.

“Ke dua poe deui, geura teang nya, ngan kahade bisi kaasakan, mun geus buruk mah nya peot, nya keriput , moal enak didaharna ? ” Jawab Si Kabayan bari terus amitan gura giru kabur muru imahna. Datang ka Imah terus we mikeun tutut ka Si Iteung teu rea omong deui.

Ku sabab beubeunangan tutut nepika satengah ember Si Iteung heran terus tatanya “Meunang ti mana Kang Tutut teh ni loba kieu ?”

“Ti walungan lebak Teung , cukup meureun jang dua poe eun deungeun sangu mah?”

“Puguh we Kang cukup siganamah “. Bari muru dapur deuk masak eta tutut.


******

Alatan panasaran dua poe ti harita Si Iteung miang muru walungan nu di caritakeun ku Si Kabayan salakina tea. Teu loba pikir deui terus we babaseuhan ngala tutut muru ka hulu cai. Alatan khusu teu karasa samping kebatna udar kapalidkeun, atuh nya kabayang we Si Iteung taranjang samet cangkeng ka handap, datang ka hulu cai , Aden-aden geus nungguan.

“Alah kadalah itu aya manusa nu kamari woa-woa wuah nu herangna ngeus asyak?” Saking ku teu sabaran nunggu geus dua poe ragamang leungeun Aden-aden nyabak kana palangkakakan Si Iteung. ana gap ramo Aden-aden ngaragap. koceak Si Iteung reuwas terus ngibrit lumpat sieuneun. Aden aden molongo hanjelu bari nyarita.

“Waduuuh ngeuning ngeus wuruuuk wuahna woa-woa ngeus murag orangan da ngeus teu ngagantung deui na tempatna .” Blug! . He.. he..

Cekap sakitu wae diajar ngadongeng teh ke di sambung deui, hapunten bilih aya nu kasebat nami, kasebat tempat, da ieu mah ngan saukur carita.

Iklan

9 Tanggapan

  1. hwarakadah… euehuehuh.. geuning aya kabayan ti binareupgeboy didieu.. eheheh.. untung nubuyukna teu diangseu… :mrgreen:

  2. Ha.. ha.. ha.. aya juragan geuning sumping ni reuwas yeuh… kumaha Kang damang? punten ah lami abdi jarang nganjang yeuh… saribuk puguh oge ieu teh

  3. halaaahh…ci Kang O2n parantos damaaaang?…nuhyuuun atuh tos walagri mah…ngaramekeun blog deui

  4. geuningan kang oon teh resep kana buah buyyyuuukkk nya…. heuheuideuhhhh….

  5. alahaya nu tersungging….eh maksadteh tersingggung geuning heuheu…kade ah palaur k jalma nu hiji ieumah

  6. Ngiring nyakakak nya, wakakakakak … *bari cirambay*

  7. Kang o70no : Nuhun ah tos ngintunkeun utusanna waktod abdi teu damang…

    cipret : Yeey puguh we atuh resep namah… matak waas halah… blug!

    Kang Irwan : Yeee mangga teh teuing deuk ngakak bari gogoleran oge bebas lah … hii hii hii

  8. ngiring seuseurian wungkul ah 😆

  9. KoRes Corp, Tulio J. Rodriguez, Monica Cataluna-Shand and Robert E. Legault specialize in mortgages and real estate: they have a beautiful office in Weston Florida that they use to deceive people into thinking they are a great, honest and trustworthy establishment. Please believe me when I tell you they are everything BUT They have fancy advertising, fancy offices, fancy you tube videos, fancy presentations however, all of it is a cover for their deceptive practices. Tulio J. Rodriguez and Gangsters are: deceptive, unethical, scam artists and shysters. DO NOT DEAL WITH THIS OUTFIT AT ALL.. You will be sorry if you do

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: