Ngiring Calik Di Masigit …

Pangangguran tas Sholat Subuh teh biasana Salam Kojengkang kusabab hujan geugeubretan, nya antukna mah terus ngilu ngadengekeun Ustad Somad mere ceramah, di masigit gigireun imah. Bari jeung lus les ku tunduh oge, aya sababaraha piwuruk nu sempet katangkep ku pikir, waktu Ustad Somat nyarita :

Ari manusa teh ngan hiji di ieu alam dunya ngandung hartos hiji rasa, contona mun urang di ciwit ku karasa nyeri, ngadahar uyah karasa asin, nyekel api karasa panas, jadi urang ulah sok tideka ka batur, da batur oge sarua sarasa jeung urang. Jadi urang kudu bisa ngahargaan ka batur ulah aya sifat hiri dengki jail kaniaya, lamun urang diciwit ku batur karasa nyeri pasti batur oge sarua nyerina lamun di ciwit ku urang.

Naha aya lalaki jeung awewe di ieu alam dunya eta mangrupikeun sifat pikeun manusa beh dituna Allah SWT nyiptakeun manusa papasangan supaya saimbang. Conto sejen aya beurang aya peuting, aya laut aya darat, aya panas aya tiis jeung sajabana deui. Kukituna urang kudu bisa nyaimbangkeun kana saga rupa hal nu di sanghareupan ku urang, saimbang tina panghasilan jeung pangeluaan pokonamah kudu bisa ngukur ka diri urang sorangan. Jaman nu maju urang kudu bisa nyaimbangkeun kana kaayaan jaman, diajar sing getol meh jadi jalma pinter ulah bodo, teu kababawa ku baturtapi kudu bisa dipiconto ku batur utamana dina hal Taufik bari tong poho menta hidayah ka manten-Na. Naon ari Taufik the ieu ngandung harti keretegna hate nu mawa lampah dina jalan kabeneran. Ari Hidayah eta pitulungti Allah SWT hiji-hijina tempat pikeun urang menta pitulung.

Naha Allah SWT nyiptakeun bumi ieu supaya urang sadar kana kaagungan Anjeuna, bumi the ngandung sifat Anyar nyaeta nu tadina teu aya jadi aya ieu nu di sebut anyar “Sanes kitu para Bapa para Ibu .. ” Yaktooosss !
Ari Allah SWT teh lautan hampura pikeun sing saha bae manusa nu daek tobat ka Anjeuna, hiji hal nu kudu ku urang dipiinget dumeh hampura gampang di penta ka Allah SWT deur we kasalahan deui-deui di jieun eta nu salah.

Sora Ustad Somad beuki lila asa beuki lus les kasalip ku sora hujan, teu karasa sirah leuleunggutan bakating ku tunduh, terus we kasarean. Sadar-sadar teh basa digeuingkeun ku babaturan supaya geura hudang ngilu jeung batur mulang ka imahna sewang-sewangan he.. he.. he…

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: