Mapay Wiwitran

Deudeuh teuing nasib hate
Geus lawas kasalip wanci
Ngahelas laku alam katukang
Miang ninggalkeun karingrang
Nyungsi hirup kasarung di pangumbaraan
Ayeuna pisan geter-geter hate beuki nembongan
Pageugeut nguatkeun niat
Jadi gumulung ombak harepan
Pikeun geura miang…
Pikeun geura tandang…
Napak wiwitran lemah cai nu jadi impian

Reup Peureum pare koneng ngagupayan
Bray beunta gunung Ciremay nu kacipta
Ret gunung lawas teu kasungsi
Ret sawah lila teu kasaba
Neuteuli pisan kawaas hate
Nguatkeun hate nu ngarakacak
Mirig lengkah gumurusuh
Mapay galengan nu baseuh ku keclakna cimata
Jeujeuhkeun ajen diri mapay tali paranti
Kuring mulang… kuring tandang
Napak lengkah mapay wiwitran
Lembur matuh karang pamidangan
Kapatri nadiri teu bisa pahili
Teger ku wanci teu bisa kaselang ku jaman

Gunung nu ngajunung…
Sawah nu ngenpay mapaes ku koneng umyang
Jadi saksi nguduprukna diri
Haat ku laku gorengna lampah
Awak saukur lamokot ku dosa
Diri leuleus teu walakaya
Sumujud ka Indung nu ngandung
Ka Bapa nu ngayuga
Hapunten Ema…
Hapunten Bapa…
Ieu putra joledar ka Salira…

7.jpg

Iklan

2 Tanggapan

  1. Punten araya kitu ? kamarana nya? tos lami teu nganjang.

    Hayu atuh urang ka lembur ! ajakan abdi meh ditepangkeun ka ema…

  2. Tuda diantosan nepi ka nyeri beuheung sosonggeteun teu daek jol, nya kapaksa atuh di kantun kamari ku akang, uih nyalira ka lembur teh … eta oge ditaros ku ema pedah dongkap ngan nyalira …

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: